Malia estar ubicada na zona nova de Compostela, esta vivenda tiña certas características que lle daban un estilo clásico.

Nunha reforma completa, a planta irregular redistribuíuse para aproveitar ao máximo q luz natural e non desbotar ningún recuncho que antes quedaba inaccesible. Agora, o salón comedor é un amplo espazo que fai as veces de eixe central de toda a vivenda. O equipamento, que inclúe mobiliario de obra, modula as pezas. Nestas, grazas aos espazos de almacenamento, rexe a orde.

A elección de materiais e revestimentos alían un estilo moderno co espírito clásico que se respira na vivenda.